24-январда Чүйдүн Москва райондук соту төкмө акын Болот Назаровго “тоноо” фактысы боюнча козголгон кылмыш ишин кыскартты. Темир тор артында үч айга чукул отурган төкмө акынды бул арада үзөңгүлөштөрү, калың эли колдоп турду.
Бишкектеги ыш маселеси кыргыз бийлигинин баш оорусуна айланды. Аткаруу бийлигинин 20-январдагы республикалык кеңешмесинде бул көйгөй талкууланып, шаар бийлигине жана министрликтерге бир катар тапшырмалар коюлду.
Энергетика министри Таалайбек Ибраев "Улуттук энергохолдинг" мамлекетти ишканасы жоюларын билдирди. Министр бул тууралуу 24-январда парламенттин тармактык комитетинде депутат Эмил Токтошевдин суроосуна жооп берип жатып билдирди. “Мурда министрлик жоюлуп, холдинг түзүлгөн. Кайра министрлик түзүлгөнү менен энергохолдинг кала берди. Бүгүнкү күндө Коопсуздук кеңешинде каралаган. Менчик компаниялар менен кошо энергохолдинг дагы жоюлат”, - деди министр. “Улуттук энергохолдинг” 2016-жылы түзүлүп, Энергетика министрлиги жоюлган. Читать дальше...
"Кумтөр голд компани" ишканасы корупцияга шек саналып абакта жаткан "Улуу көчмөндөр мурасы" улуттук холдингинин башчысы Тенгиз Бөлтүрүктүн бир күн мурда жарыялаган катына жооп кайтарды. Анда Бөлтүрүктүн аталган компаниянын азыркы жетекчилигинин иши тууралуу сыны негизсиз экени жазылган. Мунун алдында Бөлтүрүк Кумтөрдү өнүктүрүүнүн стратегиясын иштеп чыгуу башталбаса, кендин иши эки жылдан кийин токтоп калышы ыктымалдыгы белгиленген каты жарыяланган. "Кумтөр Голд Компани" ишканасынын Тенгиз Бөлтүрүктүн катына жообу 24-январда жарыяланды. Читать дальше...
Казакстандын Аскар Токпанов атындагы Жамбыл облустук казак драма-театры Таласка чыгармачыл сапар менен келип, көрүүчүлөргө Чыңгыз Айтматовдун "Саманчынын жолу" чыгармасы боюнча коюлган "Жер эне" пьесасын тартуулады. Иш-чара Айтматовдун 95 жылдыгынын урматына уюштурулган.
Канада мектеп-интернат түзүмүндөгү билим берүүнүн натыйжасында эне тилин жана маданиятын жоготкон түпкүлүктүү элдерге 2,1 миллиард доллар кенемте төлөп берүүгө макул болду. Бул чечимди федералдык сот февралдын аягында бекитет деп күтүлүүдө. Кенемте Канаданын өкмөтүнөн көз карандысыз фондго "түпкүлүктүү элдердин билимин, маданиятын жана тилин калыбына келтирүү" максатында которулат. 1831-жылдан 1996-жылга чейин Канадада чиркөө башкарган жана түпкүлүктүү элдин балдарын ассимиляциялоо саясатынын негизинде түзүлгөн 130 мектеп-интернаты иштеген.
Канадалык режиссёр Дэниел Роэрдин "Навальный" даректүү тасмасы "Оскар" сыйлыгына талапкер болду. Бул тууралуу кабар киноакадемиянын Твиттердеги баракчасына жарыяланды. Жеңүүчүлөр 12-мартта сыйланат. CNN Films компаниясынын катышуусунда HBO Max сервиси тарткан тасма орус оппозиционери Алексей Навальныйды Германияда ууландыруу аракетинен башталып, Орусияга кайтканга чейинки учур сүрөттөлөт. Саясий драма жана триллер андан ары Навальныйдын камалышы жана аны бошотууну талап кылган нааразылык акциялары менен аяктайт. Читать дальше...
Кыргызстандагы ондогон медиа уюм Маданият, маалымат, спорт жана жаштар саясаты министрлигин “Азаттыкка” каршы доо арызын соттон чакыртып алууну талап кылды. Аны менен катар белгилүү инсандар, саясатчылар жана коомдук ишмерлер бийликтин “Азаттыктын” ишмердигин токтотуу аракетин айыптап жатышат.
Жогорку Кеңештин тармактын комитетинин жыйынында Эсептөө палатасынын төрагасы Алмазбек Акматов депутаттардын суроолоруна жооп берип жатып, “Кумтөр Голд Компани” ишканасын 2022-жылдагы Эсеп палатасынын текшерүүсү жөнүндө учкай маалымат берди. “Кумтөрдүн мурунку жетекчилери (тышкы башкаруу киргизилгенге чейинки) түзгөн бухгалтердик жана башка система өзгөртүлгөн эмес экен. Биздин текшерүүнүн жыйынтыгы менен 5 млрд. сомдой каржы бузуулар аныкталган. Бүгүнкү күндө жетекчиси, орун басарлары камакта отурат. Читать дальше...
Министрлер кабинетинин төрагасынын орун басары Бакыт Төрөбаев менен Өзбекстандын Инвестициялар, өнөр жай жана соода министри Лазиз Кудратов жолугуп, президент Шавкат Мирзиёевдин Кыргызстанга боло турган мамлекеттик сапарында кол коюлуучу документтерди талкуулады. Маалыматка ылайык, Мирзиёевдин сапарынын алкагында 18 жана “Кыргызстан - Өзбекстан” бизнес форуму боюнча 10 документке кол коюлары күтүлүүдө. Өзбекстандын президенти Шавкат Мирзиёев Кыргызстанга мамлекеттик сапар менен 26-27-январь күндөрү келет. Читать дальше...
Маданият, маалымат, спорт жана жаштар саясаты министрлиги “Азаттык Медианы” жабуу өтүнүчү менен сотко кайрылганы белгилүү болду. Быйыл 70 жылдыгын белгилегени турган “Азаттык” Кыргызстан үчүн, кыргыз эли үчүн эмне? Эмне себептен “Азаттык” баарыбызга маанилүү? “Эркин Европа/Азаттык” радиосунун кыргыз кызматынын – “Азаттык Медианын” биринчи уктуруусу обого 1953-жылы 18-мартта чыккан. Азамат Алтай (өз аты – Кудайберген Кожомбердиев) Иосиф Сталин тууралуу материалды кыргызчага которуп, окуп, обого чыккан. Читать дальше...
Ала-Бука районунда мыйзамсыз алтын казууга аракет кылган беш жаран кармалды. Бул тууралуу Жалал-Абад облустук ички иштер башкармалыгынын басма сөз кызматы 24-январда билдирди. Маалыматка караганда, 20-январда кен казган фирмалардын биринин күзөтчүсү милицияга кайрылып, таңкы саат 4тө ишкананын аймагына кирип келген жарандар кармалганын айткан. Кийин кен казуучу ишкананын өкүлү милицияга арыз менен кайрылып, кармалган жарандарга чара көрүүнү суранган. Бул окуя боюнча Ала-Бука райондук милициясы... Читать дальше...
Министрлер кабинетинде өспүрүмдөр арасындагы баңгиликти алдын алуу боюнча кеңешме өттү. Бул тууралуу өкмөттүн басма сөз кызматы маалымдады. Жыйында балдар арасында “дары баңгилиги” көбөйүп жатканы айтылды. Таасири күчтүү дарылар дарыгердин кагазы жок берилип жатканы талкууланды. Министрлер кабинетинин төрагасынын орун басары Эдил Байсалов таасири күчтүү дары-дармектердин тизмеси кеңейтилип, аларга тыюу салынарын билдирди. Балдарга көрсөтмөсү жок дары бергендердин жоопкерчилиги караларын айтты. Читать дальше...
Юстиция министринин орун басары Алмазбек Зарылбек уулу 24-январда парламенттин тармактын комитетинде cоттук-медициналык экспертиза тармагындагы коррупциялык тобокелчиликтер тууралуу суроолорго жооп берди. “Сиздин оюңуз кандай? 20 миң сом айлык алып жаткан эксперт көз карандысыз болобу? Коррупциялык тобокелчиликтер барбы?" - деп суроо узатты депутат Чыңгыз Ажыбаев. Зарылбек уулу 20 миң сом айлык көтөрүлгөндөн кийинки сумма экенин, алардын маянасын жогорулатуу үчүн Министрлер кабинетине кайрыла турганын айтты. Читать дальше...
Кыргызстандын Чек ара кызматы 24-январда Өзбекстандын аймагындагы өрт туурлдуу маалымат берип, кыргыз тарап аны өчүрүүгө жардам бергенин билдирди. Маалыматка караганда, 20-январда Ала-Бука районундагы Ак-Там калктуу конушуна жакын Өзбекстандын аймагындагы өзбек жаранынын сарайынан өрт чыккан. Өзбекстан тарапта суу алыс болгондуктан, чек арачылар Кыргызстандын аймагынан суу алууга уруксат беришкен. Аталган мекеме чек арага жакын аймакта жашагандарды кандайдыр бир маселе чыккан учурда жергиликтүү чек ара бөлүмдөрүнө кайрылууга чакырды. Читать дальше...
Кыргызстанда “каржы пирамидасын” жарнамалоо үчүн жаза чаралары каралган мыйзам долбоору бүгүн 24-январда Жогорку Кеңештин Укук тартиби, кылмыштуулукка жана коррупцияга каршы аракеттенүү боюнча комитетинде каралып, колдоо тапты. Мыйзам долбоорунун автору, депутат Шайырбек Ташиев азыркы мыйзамдарда “каржы пирамидасын” жарнамалагандардын жоопкерчилиги каралбаганын, эгер сунуш өтсө 2-2,5 миллион сом айыппул же 3-5 жыл эркинен ажыратуу чарасы колдонуларын айтты: “Сунушталып жаткан мыйзам кабыл алынса ырчылар... Читать дальше...
Теннис боюнча Казакстандын намысын коргогон теги орусиялык Елена Рыбакина ушул күндөрү Мельбурнда өтүп жаткан Австралиянын ачык чемпионатында жарым финалга чыкты. Мелдештин чейрек финалында Рыбакина эки сетте WTA (Аялдар теннис ассоциациясы) рейтингинде 17-орунда турган латвиялык Елена Остапенкону жеңип алды. Финалга чыгуу үчүн Рыбакина 24-январда беларустук Виктория Азаренка менен беттешет. Австралиянын ачык чемпионаты Чоң шлемдин төрт турниринин бири. Ал 16-29-январь аралыгында Мельбурн шаарында... Читать дальше...
24-январда Бишкекте Чыңгыз Айтматовдун 95 жылдыгына карата кыргыз-казак форуму өттү. Иш-чарага Жогорку Кеңештин төрагасы Нурланбек Шакиев менен Казакстандын Сенатынын төрагасы Маулен Ашимбаев жана бир катар коомдук-саясий ишмерлер, өкмөт өкүлдөрү катышты. Парламенттин басма сөз кызматы билдиргендей, Нурланбек Шакиев Айтматовдун казак адабиятынын көрүнүктүү өкүлдөрү менен тыгыз чыгармачыл байланышта болгонун, анын ичинен Мухтар Ауэзовду өзүнүн устаты катары сыйлаганын белгиледи. Маулен Ашимбаев... Читать дальше...
Астана ооган кыз-келиндерин окутуу программасын улантууга даяр. Бул тууралуу Казакстандын Тышкы иштер министрлигинин (ТИМ) басма сөз катчысы Айбек Смадияров билдирди. "Ооган бийлиги жана бул программаны каржылап жаткан Европа биримдиги менен макулдашууга жетиштик. Жакынкы убакта программа кайра иштей баштайт", – деди Смадияров. Ошол эле маалда ал аталган программанын алкагында ооган кыз-келиндери үчүн канча грант каралып жатканын тактаган жок. 19–20-январь күндөрү Брюсселде Борбор Азия жана Европа... Читать дальше...
Чүйдүн Москва райондук соту 24-январда төкмө акын Болот Назаровго карата “тоноо” фактысы боюнча козголгон кылмыш ишин жабырлануучу тарап менен жарашуу келишиминин негизинде өндүрүштөн кыскартты. Отурумда адвокаттын жарашуу келишимин ишке тиркөө өтүнүчү канааттандырылган. Ал документте жабырлануучу тарап Болот Назаровго эч кандай доосу жок экенин жазып берген. Чүй облустук ички иштер башкармалыгы Назаровду былтыр 9-ноябрда “Беловодское айылынын тургунунун айгырын күч менен тартып алган” деген шек менен кармаган. Читать дальше...
25-январда өлкөдө жаан-чачын күтүлбөйт. Жолдор тоңголок жана тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй облусунда түнкүсүн -8…-13, күндүз -1…-6; Таласта түнкүсүн -14…-19, күндүз -2…+3; Баткен, Ош, Жалал-Абад дубандарында түнкүсүн -7…-12, күндүз -1…+4; Ысык-Көл кылаасында түнкүсүн -5…-10, күндүз 0…5; Нарын аймагында түнкүсүн -22…-27, күндүз -9…-14; Бийик тоолуу райондордо түнкүсүн --27…-32, күндүз -9…-14 градус суук болот. Читать дальше...
Өзбекстан Ооганстанга электр энергиясын берүүнү 25-январда калыбына келтирүүнү пландап жатат. Бул тууралуу Өзбекстандын Энергетика министрлиги билдирди. Ташкент кошуна өлкөгө электр энергиясын жеткирүүнү 14-январда токтоткон. Буга Өзбекстандагы суук аба ырайынан жана жылуулук берүү станцияларындагы мүчүлүштүктөрдөн улам тартыштык жаралганы себеп болгону айтылган. Бир күн мурун Ооганстандын талибдер түзгөн өкмөтүндөгү ички иштер министринин милдетин аткаруучу Амир Хан Муттаки өзбек бийлигин электр... Читать дальше...
Чүйдүн Москва райондук сотунда төкмө акын Болот Назаровдун ишин кароо уланууда. Отурумда адвокаттын жарашуу келишимин ишке тиркөө өтүнүчү канааттандырылды. Ал документте жабырлануучу тарап Болот Назаровго эч кандай доосу жок экенин жазылган. Жарыш сөздө адвокат Автандил Бакыт тергөөдө Болот Назаровдун күнөөсү далилденбегенин негиз кылып, аны актоону, же болбосо айыпталуучунун тосмо арызынын негизинде ишти кыскартууну өтүндү. Жабырлануучу катары өтүп жаткан 15 жаштагы өспүрүм жана анын атасы Болот... Читать дальше...
Тажикстандын Каржы көзөмөлү боюнча агенттиги Рашт районунун төрагасын жана жергиликтүү акимчиликтин аппарат башчысын жемкорлукка шек санап кармады. Бул тууралуу "Озоди" радиосу өз булактарына шилтеме кылып кабарлады. Маалыматка караганда, Рашт районунун төрагасы Рахимжон Набизода менен акимчиликтин аппарат башчысы Холмухаммад Ортиков мыйзамсыз жер тилкесин берүүгө жана пара алууга шектелүүдө. "Аткаминерлер 22-январда өз иш бөлмөлөрүндө пара алып жатканда күбөлөрдүн көзүнчө кармалды. Алар ишкерлерге... Читать дальше...
Кемпир-Абад маселесине байланыштуу камакта отургандарды колдоп, Ички иштер министрлигинин (ИИМ) алдына митингге чыккан Толгонай Солтонованы бүгүн 24-январда Бишкектин Биринчи Май райондук соту айыптуу деп таап, 3 миң сом айыппул салды. Солтонова соттун бул чечимине макул эместигин, апелляциялык арыз менен шаардык сотко даттанарын, ишти караган судья анын күнөөсү жок экенин далилдеген видео материалдарды карабай, отурумду түз эфирде көрсөтүүгө тыюу салып койгонун айтты. Укук бузуулар жөнүндөгү кодекстин... Читать дальше...