Новости за 05.01.2023

د کوربه هندوستان او سریلانکا ترمنځ دویمه شل اوریزه لوبه د ۱۶ منډو په توپیر د سریلانکا په ګټه تمامه شوه. سریلانکا په ۲۰ اورونو کې هند ته د ۲۰۷ منډو هدف ورکړی و، خو هند ۱۹۰ منډې وکړې. د سریلانکا لوبډلمشر شناکا چې د لوبې غوره لوبغاړی هم ونومول شو، د دې هېواد لومړنی لوبغاړی شو چې په شل اوریزو سیالیو کې په ۲۰ توپونو نیمه سلیزه وهي. همدارنګه کوشال مینډس هم نیمه سلیزه ووهله. د هند لپاره د لومړۍ شل اوریزې لوبې غوره لوبغاړي شېوام ماوي نن په ۴ اورونو کې ۵۳ منډې ورکړې، خو په توپ وهنه کې یې چټکې ۲۶ منډې وکړې. Читать дальше...

د دې اوونۍ د “هارون باچا هنري ګړۍ” خپرونې مېلمه سندرغاړی جاويد اميرخېل دی. نوموړي په کابل کې ژوند او هنر کاوه، خو تر هغې وروسته چې د افغانستان واکمني د طالبانو لاسو ته ولوېده او په هغه هېواد کې د موسيقۍ ترڅنګ پر نورو ښکليو هنرونو بنديز ولګېد، امرخېل هم د ګڼ شمېر نورو افغان هنرمندانو په څېر له افغانستانه وتلو ته اړ شو. نوموړی دا وخت په پېښور کې اوسي او لږې ورځې کېږي چې نوې سندره يې خپره کړې ده. په خپرونه کې د ده د ژوند او هنر په اړه د خبرو ترڅنګ يې ځينې سندرې هم اورېدای شئ

رواداري سازمان په یوه راپور کې چې د چهارشنبې په ورځ خپور شو، ادعا کړې چې د طالبانو د واکمنۍ په پنځلسو میاشتو کې په ۴ ولایتونو کې ۶۳۴ تنه ملکي وګړي، پخواني پوځيان، سلفیان، د ملي مقاومت جبهې غړي او د طالبانو نور مخالفین وژل شوي دي. د دغه سازمان د معلوماتو له‌مخې، دغه شمېر کسان د ۲۰۲۱ کال له اګست څخه د ۲۰۲۲ کال تر نومبر میاشتې پورې په کندهار، پنجشېر، ننګرهار او سرپل ولایتونو کې د قضا له حکم پرته او په قصدي ډول وژل شوي دي. راپور وايي، له دې شمېر په کندهار کې د ۷ ښځو او ۱۰ ماشومانو په ګډون ۳۲۰ تنه... Читать дальше...

د ډیسمبر شلمه، د کال تر ټولو اوږدې یا د یلدا شپې ماښام و چې طالبانو د یو فرمان په صادرولو سره د ټولو نجونو محصلانو پر مخ د پوهنتونو دروازې وتړلې. د یلدا شپه افغانان په کلتوري توګه په بېلابېلو بڼو نمانځي،  خو ګڼې افغان محصلانې وايي تېره یلدا یې په اوښکو رڼه کړه. ننګرهار کې د حقوقو د پوهنځي محصله ثریا وايي: "په کومه شپه چې دوی (طالبانو) اعلامیه خپره کړه په همغه شېبه زما هغه هیلې او ارمانونه؛ هغه خوبونه او خیالونه مې چې د ځان لپاره کتلي وو او کورنۍ مې هیله درلوده چې زه به یوه ورځ د دوی درد ته دوا... Читать дальше...

د بېلابېلو سياسي ګوندونو غړيو د جنورۍ پر پینځمه د خیبر پښتونخوا د باجوړ ضلعې مرکز خار کې د امن پاڅون په نوم جلسه وکړه. د جلسو دا لړۍ د پښتنو سياستوالو او قومي مشرانو د ولسي امن پاڅون په نامه د هغو هڅو برخه ده چې دوی پکې له حکومته امن غواړي. د باجوړ جلسې ته د پښتون ژغورنې غورځنګ مشر منظور پشتين، د عوامي نېشنل ګوند او ملي جمهوري غورځنګ ځيني مشران هم ورغلي وو او ویناوې یې وکړې. تفصیل د مشال راډيو په ویډیويي راپور کې

وروسته له هغې، چې د طالبانو حکومت روانه اوونۍ دوه افغان خبریالان له بنده ازاد کړل اوس د رسنیو او خبریالانو یو شمېر ملاتړې بنسټونه د طالبانو په بند کې پاتې د یو بل افغان خبریال د خوشې کېدو غوښتنه هم کوي. د افغانستان د خبریالانو مرکز د عدالت غوښتنې برخې مسووله سمیه ولي‌زاده سره له دې چې د دغه خبریال نوم نه ښيي او ډېر جزییات يې په اړه نه ورکوي خو وايي، یاد کس په خوست کې سیمه‌يیز خبریال و. اغلې ولي‌زادې ازادي راډیو ته وویل: "له بده مرغه د یو شمېر تایید شویو راپورنو له‌مخې چې موږ ته رارسېدلي دي... Читать дальше...

په افغانستان کې د ملګرو ملتونو سازمان د سياسي استازولۍ دفتر (یوناما) ډاډ ورکړی، چې د خپلو ښځینه کارکوونکو معاشونه به ورکړي او ویلي یې دي، چې افغان ښځې د ملګرو ملتونو او د افغانستان د خلکو لپاره مهم رول لري. یوناما د چهارشنبې په ورځ په یو لړ ټویټونو کې لیکلي، چې د دې ادارې د ټولو ښځینه همکارانو ساتلو ته ژمن دي او د هيڅ يوې ځاى به نارینه کارکونکى ونه نيسي. خو یوناما دا نه‌دي ویل چې ایا هغو ښځینه کارکوونکو ته چې په افغانستان کې د ملګرو ملتونو سازمان په پروژو کې په قراردادي ډول کار کوي، هم معاش ورکول کېږي او که نه. Читать дальше...

د مشال مرکه اوونیزه خپرونه کې مو دا ځل په خيبر پښتونخوا اسمبلۍ کې د پيپلز ګوند پارليماني مشر او پخوانی صوبايي وزير شير اعظم وزير مېلمه دی. نوموړی له بنو سره تعلق لري. شيراعظم وزير تر سياست مخکې د تخت بایي او نورو سيمو کې د مرستيال کميشنر په توګه هم کار کړی دی. شيراعظم وزير وايي، قبايلي سيمې په صوبه کې تر ضم کېدو وروسته هغه شان کارونه ونشول چې څنګه پکار وو. ده وويل په سيمه کې امنيت پرځای ساتل د حکومت ذمه واري ده. د خپروني کوربه ګل اياز دی.

د فوټبال نړیوال فدراسیون (فیفا) له لوري د ۲۰۲۳ کال لپاره په نړیوالو لوبو کې د افغانستان لوبڅاران اعلان شول. د افغانستان فوټبال فدراسیون په یوه خبرپاڼه کې ویلي دي چې، د نارینو د فوټبال په سیالیو کې به حلیم اقا شېرزاد او د ښځینو په فوټبال سیالیو کې به یاسمین حیدري لوبڅاري وکړي. دغه راز شریف سروري، ننګیالی سادات او فرشته شيخ میري به د مرستندویه لوبڅارانو دندې مخ ته يوسي. په خبرپاڼه کې ویل شوي، چې تمیم حسيني به د فوتسال او زین الدین شریفي به بیا په ساحلي فوټبال کې د لوبڅارۍ دندې ترسره کړي. د... Читать дальше...

د طالبانو د کانونو وزارت په یوه خبرپاڼه کې ویلي چې دغه تړون نن د کانونو د سرپرست وزیر شهاب‌الدین دلاور او د چین د (CPEIC) کمپنۍ ترمنځ په کابل کې لاسلیک شو. خبرپاڼه کې راغلي چې د دغې پروژې په پلې کېدو سره به څو کاله وروسته افغانستان د تېلو د کېندنې له اړخه پر ځان بسیا او شاوخوا درې زره کسانو ته به د کار زمینه برابره شي. د امو سیند نفتي حوزه ۴،۵۰۰ کیلومتره مساحت لري چې په درېیو شمالي ولایتونو جوزجان، سرپل او فاریاب کې پرته ده. د طالبانو حکومت وایي، چینایي کمپنۍ به په لومړي کال کې پر دې سیمه ۱۵۰... Читать дальше...

د کرېکټ اسیايي شورا د پنجشنبې په ورځ(د جنورۍ ۵) په خپله فېسبوک پاڼه کې د ۲۰۲۳ کال اسیا جام سیالیو مهالوېش اعلان کړ. په خبر کې ویل شوي دي چې، دا سیالي به دا ځل ۵۰ اوره وي او په سپټمبر میاشت کې ترسره کېږي. دا ځل به هم په دې سیالیو کې ۶ لوبډلې برخه ولري او په ګروپي بڼه به ترسره شي. افغانستان کرېکټ ملي لوبډله له سریلانکا او بنګله‌دیش سره په (B) ګروپ کې ده، پاکستان او هندوستان په (A) ګروپ کې ځای لري او درېيمه لوبډله به د دویمه درجه اسيايي هېوادونو د لارموندنې له پړاو لار پيدا کوي. کرېکټ اسیايي... Читать дальше...

ایران د فرانسې له‌خوا د مذهبي مشر ایت الله علي خامنه‌یي د کارتون چاپېدو ته د غبرګون په لومړي قدم کې په تهران کې د فرانسې د څېړنو مرکز بند کړ. دا خبره د ایران د بهرنیو چارو وزارت نن پنجشنبه په یوه خبرپاڼه کې کړې ده. د فرانسې لانجمنې چارلي هبدو مجلې په تازه ګڼه کې لسګونه کارتونونه چاپ کړي چې خامنه یې په‌کې مسخره کړی دی. دوی د خپل دې کار لامل د هغو ایرانیانو ملاتړ بللی دی چې د نظام په ضد یې اعتراضونه پيل کړي دي.

اسحاق ډار دا څرګندونې د جنورۍ پر څلورمه کړې دي او دا یې هم ویلي چې د ملک اقتصاد د هغه په وینا اوس ښه لوري ته روان دی. نوموړي دا څرګندونې، په ملک کې د ګرانۍ او بې روزګارۍ په اړه د پاکستان د تحریک انصاف ګوند لخوا د اعتراضونو په ځواب کړې دي.

د پاکستان د پولیسو له‌خوا په ډېر شمېر سره د افغانانو د نیونې، زنداني کولو او دوی سره د ناسم چلند په اړه د اندېښنو له زیاتېدو ورسته، د پاکستان د کراچۍ په زندان کې د افغان بندیانو مدافعې وکیله منزه کاکړ وايي، ټاکل شوې چې تر راتلونکو دوو ورځو پورې په سلګونو تنه دغه بندیان خوشې شي. نوموړې د پنجشنبې په ورځ ازادي راډیو ته وویل: "د هغو بندیانو شمېر چې دا مهال د کراچۍ په زندان کې دي، ۱۴۰۰ تنه ته رسېږي، په دغو کسانو کې چې ماشومان هم شامل دي د ۶۰۰ د ديپورت دستور ورکړل شوی دی او ټاکل شوې چې تر راتلونکو دوه... Читать дальше...

د طبعي ناورینونو پر وړاندې د انتظام ادارې، پي ډي ایم اې، د بلوچستان په شمالي سیمو کې د زیاتې یخنۍ له کبله خلکو ته هدایت جاري کړي چې د یخو سیمو پر سړکونو دې په احتیاط سفر وکړي. یادې ادارې ویلي، د صوبې د کوټې، چمن او په نورو ۵۰ سړکونو باندې یخ زیات لویږي چې له کبله یې اوبه ورباندې یخې شي چې ورسره د ګاډو د ټکر ستونزې رامنځ ته کوي. پي ډي ایم اې د جنورۍ پر څلورمه په خپرو کړو هدایاتو کې ویلي چې د بلوچستان په شمالي سیمو کې د یخ لړۍ به روانه وي. د بلوچستان په شمالي سیمو کې یخني له هغې وروسته زیاته... Читать дальше...

په جرمني کې د نوي کال په شپه د خلکو بلواګانو او په برلین او څو نورو ښارونو کې د بېړنیو خدمتونو پر کارکوونکو بریدونو جرمنان بوږنولي دي. اوس په ټول جرمني کې د اور لوبو او اور غورځونکو پټاقیو د بندیز غوښتنې ډېرې شوي دي. د جرمني چارواکو ویلي، د نوي کال په شپه یوازې برلین کې ۴۱ پولیس افسران ټپیان شوي او په نورو ښارونو کې هم د اور وژنې پر کارکوونکو لسګونه بریدونه شوي دي. د برلین ښاروالې فرنزیسکا ګیفي د ځوانانو یوه غونډه رابللې او شوې ګډوډي او بلواګانې یې د نه منلو وړ بللي دي. په برلین کې د دغو... Читать дальше...

قمرګلې پنځه اویا کاله ژوند وکړ. یتمه شوه، خو له سندرو یې لاس وانخیست. مور یې ړنده شوه، دا بوره شوه بیا یې هم سندرې وبللې، بل زوی یې ورک شو خو هنر ته یې شا نه کړه. د دې په دې تریخ ژوند کې د سندور خواږه لږ نه و په زرګونو سندرې یې ثبت کړې. په دې اړه نور په دې ویډیویي راپور کې کتلی شئ

تحريک طالبان پاکستان (ټي‌ټي‌پي) په ایتلافي حکومت کې شاملو ګوندونو، پيپلز پارټۍ او مسلم لیګ (ن) ته خبرداری ورکړی دی. دې تحريک د جنورۍ پر څلورمه په يوه خبرپاڼه کې وویل چې که دغه ګوندونه د دې‌ ډلې پر ضد د پوځ پالیسيو ملاتړ پرېنږدي، بریدونه به پرې وکړي. د پيپلز پارټۍ شريک مشر او د پاکستان بهرنيو چارو وزیر، بلاولو بوټو زرداري د جنورۍ پر درېيمه د سيند په دادو کې په يوه خبري غونډه کې ويلي وو چې په افغانستان کې طالبان يو حقیقت او پاکستاني طالبان يوه فتنه ده. خو د مسلم ليګ (ن) يو مشر او د پاکستان د... Читать дальше...

په ایران کې د بندیانو د تعقیب کمېټه وايي، سږکال د مظاهرو پر مهال له نیول شویو کسانو ۱۶ تنه په زندانونو کې د شکنجې له کبله وژل شوي دي. دوی د اعتراف د اخیستلو لپاره د وهلو او یا په مظاهرو کې له ټپي کېدو وروسته د دارو درملو د نه رسېدو له کبله مړه شوي. د ازادې اروپا فردا څانګه راپور ورکوي د تعقیب کمېټه چې د بندي معترضانو لپاره د عدالت غوښتنې لپاره جوړه شوې چهارشنبه يې په یوه ټوېټ کې د ۱۶ وژل شویو بندیانو نومونه او نور جزییات خپاره کړي. په ایران کې له تېر سپټمبر راهیسې د یوې ځوانې نجلۍ تر وژل کېدو... Читать дальше...

د امریکا ولسمشر جوبایډن وايي، اوکراین ته د برادلي زغره‌والو ګاډو په استولو باندې غور کوي څو د روسیې د تېري په مخنیوي کې ترې کار واخلي. بایډن پرون د ډېرو جزییاتو له ورکولو پرته د برادلي زغره والو ګاډو د استولو تایید وکړ. برادلي متوسط زغره‌وال جنګي موټر دي چې کولی شي د سرتېرو وړونکي په توګه عمل وکړي او د ټانک په پرتله سپک او ګړندی دی. اوکراین له امریکا غوښتي چې له روسیې سره د مقابلې لپاره کییف ته د ټانکونو، اوږد واټن ویشتونکو راکټونو، زغره‌والو ګاډو او د هوايي دفاع د سیستم په برخه کې مرسته وکړي.

د پاکستان په پنجاب کې د یوه افغان تر وژل کېدو وروسته طالب چارواکو دا پېښه غندلې او له پاکستان یې غوښتي چې د پېښې په اړه پلټنه وکړي. په اسلام اباد کې افغان سفارت چې د طالبانو تر کنټرول لاندې دی پرون تایید کړې چې د پنجاب د اوکاړې په سیمه کې یو افغان موټر چلوونکی د سفارت په خبره «په ډېرې بې رحمۍ سره» وژل شوی دی. د طالبانو د بهرنیو چارو وزارت په یوه اعلامیه کې دا پېښه غندلې ده. طالب چارواکو له پاکستانه غوښتي چې د پېښې پوره پلټنه وکړي او عاملین ژر تر ژره ونیسي. د طالبانو تر کنټرول لاندې باختر... Читать дальше...

په افغانستان کې د طالبانو له لوري په نا دولتي کورنيو او نړیوالو مؤسسو کې د ښځینه کارکونکو د کار بندیز د پرېکړې په اړه په لوړه کچه د ملګرو ملتونو غونډه. ټاکل شوې راتلونکې اونۍ د ملګرو ملتونو امنیت شورا په دې اړه ناسته وکړي. د دغه ناستې دقیقه نېټه نه‌ده ښودل شوې. د متحده عربي اماراتو حکومت په یو ټویټ کې ویلي دي، د بندو دروازو تر شا دا غونډه د متحده عربي اماراتو او جاپان هېوادونو په وړاندیز جوړیږي. په همدې حال کې په بهرنیو او سیاسي چارو کې د نړیوالو همکاریو وزیرې او په ملګرو ملتونو کې د متحده... Читать дальше...

ټاکل شوې ده چې د ۲۰۲۳ کال په روانه میاشت(جنورۍ) کې د کرېکټ درې نور سوداګریز لیګونه پیل شي. په دې لیګونو کې اوس مهال د افغان لوبغاړو ګډون پراخه شوی دی او په هر لیګ کې ګڼ شمېر برخه‌وال دي. د بنګله‌دیش کرېکټ ادارې خبر ورکړی چې د جنورۍ میاشتې په ۶مه نېټه به د بنګله‌دیش غوره لیګ سيالو نهم پړاو پیل شي. د افغانستان کرېکټ بورډ د رسنیزې څانګې د معلوماتو له‌مخې په دې لیګ کې د افغانستان له لوبغاړو فضل الحق فاروقي، محمدنبي، عظمت الله عمرزی، کریم جنت، ابراهیم ځدراڼ، رحمن الله ګربز، عثمان غني، حمزه هوتک،... Читать дальше...

سپینه ماڼۍ وایي، امریکا د ایران د بې‌پیلوټه الوتکو د تولید صنعتونو د هدف ګرځولو غوراوي ارزوي. د سپینې ماڼۍ د ملي امنیت شورا ویاندې ادریین واتسن پرون چهارشنبه په یوه اعلامیه کې ویلي، امریکا له دې لارې غواړي د بندیزونو له لارې د دغو الوتکو د تولید او صادراتو مخه ونیسي. نوموړې زیاته کړه، هغه شخصي شرکتونه له بندیزونو سره مخامخېدای شي چې دې برخه کې کار کوي. امریکا له دې وړاندې هم پر هغو کسانو بندیزونه لګولي چې دغه بې‌پیلوټه الوتکې یې له ایرانه روسیې ته وړي دي. روسیه دغه الوتکې د اوکراین په جګړه کې کاروي.

د طالبانو حکومت وایي چې کابل ښار کې یې د داعش وسله‌والو دوه پټن‌ځایونه له‌منځه وړي دي چې ترڅ کې یې ۷ تنه وژل شوي او ۷ نور ژوندي نیول شوي دي. د دوی ویاند ذبیح‌الله مجاهد رسنیو ته ویلي چې، پر دغو پټن‌ځایونو تېر ماذیګر د کابل ښار د اتمې حوزې اړوند قلاچې او شهدای صالحین سیمو کې عملیات وشول. مجاهد زیاته کړې چې عملیاتو کې ۷ تنه داعش وسله‌وال وژل شوي او ۷ نور ژوندي نیول شوي دي. مجاهد د عملیاتو څرنګوالی مشخص کړی نه‌دی، خو په راپورونو کې ویل شوي چې د کابل ښار په اتمه حوزه کې پرون د څو چاودنو غږونه اورېدل شوي دي. Читать дальше...