Новости за 12.01.2023

Сарман районының Илексаз, Ләшәү Тамак, Петровка Завод һәм Карашай Саклау авыл җирлекләре «Татарстан муниципаль районнарының административ үзәк булмаган авыл һәм шәһәр җирлекләренә грантлар бирү» республика бәйгесендә җиңү яулады.

Эшкә сәләтле инвалидларның мәшгульлеген начар кайгырткан районнар билгеле. Питрәч (17 процент), Әлмәт (42 процент), Чистай (50 процент) районнарында инвалид саналган кешеләрне эшкә урнаштыру күрсәткече түбән. 

Россиядә коронавирусының «кракен» варианты өстенлек итә ала. Бу хакта Роспотребнадзорның Эпидемиология Үзәк фәнни-тикшеренү институтының геном тикшеренүләр лабораториясе мөдире Камил Хафизовның сүзләренә сылтама белән РИА Новости хәбәр итә.

Коронавирусның яңа тагын да куркынычрак варианты барлыкка килмәячәк дигән гарантия юк, дип белдерде Россия Сәламәтлек саклау министрлыгының йогышлы авырулар буенча баш штаттан тыш белгече Владимир Чуланов. Бу хакта РИА новости агентлыгы хәбәр итә.

Татарстан Яшьләр эшләре министры Ринат Садыйков яңартылган «Диалог» балаларга һәм яшьләргә психологик-педагогик ярдәм күрсәтү үзәгендә булды.

Мәскәүдә 96 яшендә совет сәясәтчесе һәм дипломат Рәфыйк Нишанов вафат. Бу турыда Nuz үзбәк басмасы хәбәр итә.

Якын көннәрдә Татарстанда һава шартларын көнбатыш перифериясенә эләккән киң антициклон билгелиячәк. Шул ук вакытта температура фонының бераз күтәрелүе көтелә, дип хәбәр итә ТР Гидрометеорология үзәге.

12 гыйнварда Уфада авырудан соң 84 яшендә физика-математика фәннәре кандидаты, профессор, Башкортстанның атказанган халык мәгарифе хезмәткәре, РФ югары һөнәри белем бирү өлкәсендә мактаулы хезмәткәре Алмас Акманов вафат булды. Бу хакта «Башинформ» агентлыгы хәбәр итә.

Татар китабы йорты Әдәби мәктәп ача. Проектны гамәлгә ашырырга язучылар һәм тәрҗемә белгечләре — чын остазлар ярдәм итәчәк.

14-18 гыйнварда узачак хоккей буенча мөселман турнирында катнашучыларга хәләл ризык әзерлиләр. Ислам илләреннән килгән кунаклар урнашачак кунакханәдә махсус хәләл-меню оештырылачак. Бу хакта ТР мөселманнары Диния нәзарәтенең матбугат хезмәте хәбәр итә.

Татарстанда якыннары хәрби хезмәткә чакырылганнарның гаиләләренә - запастан чакырылганнарның балалары, ата-аналары һәм хатыннарына һәрьяклап ярдәм күрсәтелә. Бу хакта бүген ТР Хезмәт министрлыгы коллегиясенең Казанда узган йомгаклау утырышында ведомство башлыгы Эльмира Зарипова хәбәр итте.

Татарстанның Автотранспорт предприятиеләре ассоциациясендә Казанның Парин урамында автобус һәм ашыгыч ярдәм машинасы катнашындагы юл-транспорт һәлакәтенең видеосы чыкты.

Татарстанда 2022 елның гыйнвар-октябрь айлары нәтиҗәләре буенча, уртача хезмәт хакы 50,3 мең сум булган. Узган 2021 елга караганда, бу 16,6 процентка күбрәк. 2021 елда республикада уртача эш хакы 46,3 мең сум тәшкил иткән.

Татарстан Президенты Рөстәм Миңнеханов бүген «Алабуга» махсус икътисади зонасында булды. Анда ул «Альбатрос» ҖЧҖ пилотсыз очу аппаратлары җитештерүгә бәя бирде. Киләчәктә биредә елына мең берәмлеккә кадәр пилотсыз очучы аппарат җитештерү планлаштырыла, дип хәбәр итә ТР Президенты матбугат хезмәте.

Казанлылар декабрь ае өчен торак-коммуналь хезмәтләргә арттырылган тарифлар белән түләү квитанцияләрен алды. Алар уртача 9 процентка индексацияләнде. Әмма әгәр шәһәр халкы исәпләүләрне дөрес түгел һәм артык арттырылган дип саный икән, алар шикаять белдерә ала, дип искәртә шәһәр мэриясе матбугат хезмәте.

Иң катлаулы вазгыять республиканың Кама аръягында хөкем сөрә. Рәсмиләр чит төбәкләрдән яшьләрне китертергә уйлый.

Татарстанда өлкәннәрне һәм инвалидларны озак вакыт карап тәрбияләү буенча алдынгы районнар билгеле. Ярдәмгә мохтаҗларны карау күрсәткече Минзәлә (164 процент), Мамадыш (137 процент), Казан шәһәре (137 процент), Менделеевск районы (130 процент), Баулы районында (130 процент) югары. Бу хакта ТР Хезмәт, халыкны эш белән тәэмин итү һәм социаль яклау министрлыгының коллегия утырышында билгеле булды.

11 гыйнварда Башкортстанның элекке президенты Мортаза Рәхимов вафат булды. Аңа 88 яшь иде. Ул нинди шәхес иде, нинди мирас калдырды, хәтердә ничек калачак?

Фонд развития Нурлатского района и города Нурлат «Содействие» организует сбор гуманитарной помощи для жителей города Лисичанск.

Башкортстанның беренче Президенты Мортаза Рәхимов заманча Россия формалашу этабында федерализм үсеше терәкләренең берсе иде. Татарстаннан сенатор Александр Терентьев «Татар-информ» агентлыгына шундый фикерен белдерде.

Татарстанда социаль ярдәм чараларына каралган акчаның һәр икенче сумы балалы гаиләләргә җибәрелә. Бу хакта ТР Хезмәт, халыкны эш белән тәэмин итү һәм социаль яклау министрлыгының коллегия утырышында министр Эльмира Зарипова докладыннан билгеле булды.

Учащимся первой школы г.Нурлат рассказали о работе с облачными сервисами.

Татарстанда производстволарда үлем очраклары кимегән, шулай да аерым районнарда эш урыннарында имгәнүләр саны борчу тудыра. Бу хакта ТР Хезмәт, халыкны эш белән тәэмин итү һәм социаль яклау министрлыгының коллегия утырышында министр Эльмира Зарипова сөйләде.

Татарстан Президенты Рөстәм Миңнеханов Башкортстан башлыгы Радий Хәбировка республиканың Беренче Президенты Мортаза Рәхимов вафаты уңаеннан хөкүмәт телеграммасы юллады. Анда ул Рәхимовның барлык туганнарына һәм якыннарына Татарстан халкы һәм шәхсән үз исеменнән кайгы уртаклашу сүзләрен җиткерде.

Татарстанда халыкның эш белән тәэмин ителеше, тулаем Россия һәм Идел буе федераль округы төбәкләре белән чагыштырганда, югарырак. Бу хакта бүген ТР Хезмәт, халыкны эш белән тәэмин итү һәм социаль яклау министрлыгының коллегия утырышында билгеле булды.