7-мартта жаан-чачын болот

Кыргызгидромет борбору 7-марттан 9-мартка чейин күн ысышына жана жаан-чачынга байланыштуу  тоолуу райондордо кар көчкү коркунучу бар экенин эскертти. Бишкек-Ош жолундагы Төө-Ашуу, Алабел ашууларында,  Ала-Бука-Каныш-Кыя жолундагы Чапчыма ашуусунда, Красная Горка-Ак-Таш,  Каракол- Эңилчек, Казарман-Актал-Чат жолдорунда айдоочулардан этияттык талап кылынат.  


7-мартта дээрлик бардык облустарда жаан жаайт. Батыш тараптан жел согуп турат, кээде ылдамдыгы секундасына 15-20 метрге жеткен шамал болот.


Абанын температурасы:


Чүй өрөөнүндө түнкүсүн 2...7, күндүз 7...12,


Талас облусунда түнкүсүн 1...6, күндүз 6...11,


Баткен, Ош, Жалал-Абад дубандарында түнкүсүн 4...9, күндүз 9..14,


Ысык-Көл облусунда түнкүсүн -2...+3, күндүз 4...9,


Нарын жергесинде түнкүсүн -1...-6, күндүз 3...8,


Бийик тоолуу райондордо түнкүсүн -16...-21, күндүз -2...-7°.


Бишкек шаарында мезгил-мезгили менен жамгыр жаайт. Түнкүсүн 4…6, күндүз 8…10°.