<p>Сăрпа Хусан хӳтĕлев чиккине пĕрле çĕкленĕ. Тăван Çĕршывăн Аслă вăрçи вăхăтĕнче чăваш тата тутар халăхĕсем окоп чавнă. Çак пулăма халалласа Чăваш тата Тутар Республикисенче «Тылри паттăрлăх» патриотла марафон пуçарнă. Ун пирки тĕплĕнрех юн кун Хусан хулинче массăллă информаци хатĕрĕсемпе йĕркеленĕ тĕл пулура пĕлтерчĕç. Чулхуларан пуçласа Сталинградпа Астрахань хулисене çитичченех. Атăл хӳтĕлев лини шăпах çавăн тăршшĕ тăсăлнă. Сăрпа Хусан чиккисем асăннă линин пĕр пайĕ пулнă. Окопсене тăшманăн танкĕсене чарма чавнă. Атăлçи тăрăхĕнчи регионсене йышĕнче Чăваш Енре кăна икĕ чикĕ çĕкленĕ. Икĕ республикăра 400 яхăн окоп чавакан пурăнать. Çанталăка пăхмасăр, ĕç хатĕрĕсем çитменине шута илмесĕр, выçă пулнине пăхмасăр чикĕсем çĕкленĕ вĕсем. Чăваш Енре унăн тăршшĕ 380 çухрăм, Тутар республикинче – 350 çухрăм. Сăрпа Хусан хӳтĕлев чиккисене çĕклекенсене халалланă марафона икĕ республикăра анлă ирттерме палăртаççĕ. Вăл пуш уйăхĕн 29-мĕшĕнче пуçланать. СВЕТЛАНА КАЛИКОВА: «Пирĕн республикăра эпир виçĕ районта ирттеретпĕр вăл марафона. Етĕрне, Çĕрпӳ, Куславкка, Тутар Республикинче пиллĕк районта ирттеретпĕр вăл марафона. Мĕнрен тăрать вăл? Марафонра малтан историксем çак вăрçă вăхăтĕнчи тылра ирттернĕ ĕçсем пирки каласа парĕç. Тата питĕ илемлĕ республикăри ӳнер ушкăнĕсем Татарстанри ушкăнсем пĕрле концерт программисене хатĕрлĕç». Чăваш тата Тутар Республикисенчи ăсчахсем ăслăлăхпа практика конференцине ирттерĕç. Сăрпа Хусан хӳтĕлев чиккисен темине кӳршĕсем тахçанах тĕпчеççĕ. Пиллĕк çул каяллах вĕсем архиври документсемпе окоп чавакансен аса илĕвĕсене пичетленĕ. «Тылри паттăрлăх» патриотла марафон Хусанта Тутар патшалăх филармонинче çу уйăхĕн 4-мĕшĕнче вĕçленĕ. Алексей Зотиков, Татьяна Молокова, Николай Скворцов</p>
Женщина провалилась в яму в центре Саратова. Начата проверка
Всегда на связи: проводная гарнитура Fstyler FH150U от A4Tech
Концертный директор для музыкантов. Концертный директор для певцов. Концертное агентство в Москве. Букинг агентство. Организация концертов и гастролей.
Гроза роскошных седанов от BMW и Mercedes-Benz. История Fiat 130
Певица Нюша опубликовала фото в купальнике на пляже
«Он приехал за мной в клуб. И всё, с этого момента мы начали жить вместе». Оксана Самойлова рассказала о знакомстве с Джиганом в эфире «Шоу Воли» на ТНТ
Создание Афиши Выступления или Концерта, Мероприятия, События.
Театр и Цирк, Культура и Концерт, Россия и Дети: Радостные встречи с любимыми клоунами, артистами приносят массу положительных эмоций