Президент Садыр Жапаров 25-июлда "Улуттук фонд жөнүндө" мыйзамга кол койду. Документти өткөн айда парламент кабыл алган жана анда бул фонд четтен инвестиция тартуу, ар кандай долбоорлорду ишке ашыруу менен алектенери белгиленген.
Талас облусунда Талаc-Покровка автоунаа жолу менен каттаган жалгыз гана автобус бар. Жергиликтүүлөр айтмында, жол көйгөйүнөн улам башка туруктуу транспорт каттабайт. Эскилиги жеткен автобусту ата-бала бир нече жылдан бери оңдоп-түзөп, эл ташыйт. Алардын бир күндүк түйшүгү менен "Азаттыктын" кабарчысы таанышып кайтты.
Бүгүн, 26-июлда Парижде ХХХIII Жайкы Олимпиада оюндары ачылганы турат. Бишкек убактысы менен 23:30да оюндарынын салтанаттуу ачылыш аземи өтөт.