Connola d'ammore
Тут есть русский перевод, да и вообще это замечательный сайт
Туллио Пане
Роберто Муроло
Consiglia Licciardi
Damiano Mazzone
Giulietta Sacco
Gino Di Procida
Sott'a 'sta luna d'argiento,
Ca, belle e lucente,
Fa 'st'onne, Marì,
Passa 'sta varca d'ammore,
'Sta connola d'oro,
Cantanno pe' tte.
E te voca, regina 'e 'stu mare,
'Ncopp'a ll'onne,
Abbracciata cu mme.
Sunnà, campà, murì,
Suspiranno 'mbracci'a tte.
Te voglio tantu bbene,
Te sento dint' 'e vvene,
Luce 'e 'stu core, 'e 'st'anema:
'A vita mia sì tu!
Tutt' 'e ccanzone cchiù belle,
Cu 'o coro d' 'e stelle,
Te voglio cantà.
Voglio ca, 'nfunno a chest'onne,
Se scetano 'e suonne
Sunnate pe' tte.
E tu, bella, cchiù bella 'e 'stu mare,
Dint' 'a varca suspire cu mme.
Sunnà, campà, murì,
Suspiranno 'mbracci'a tte.
Te voglio tantu bbene,
Te sento dint' 'e vvene,
Luce 'e 'stu core, 'e 'st'anema:
'A vita mia sì tu!
Zitta, luntano luntano,
'Stu suono 'e campane,
Mme parla pe' tte.
Veco, da 'st'uocchie lucente,
'Na lacrema ardente,
Cchiù ardente, cade.
Ah, stanotte, stanotte 'stu core
S'ha 'ngignato 'a curona 'e 'nu rre!
Sunnà, campà, murì,
Suspiranno 'mbracci'a tte.
Te voglio tantu bbene,
Te sento dint' 'e vvene,
Luce 'e 'stu core, 'e 'st'anema:
'A vita mia sì tu!
Легкая музыка
Мгновения классики