Кулят Ульяновск ёнкссто!(эрзя)
Мелекесской буень Александровка велесэ ютась вастовома. Сон алтазель шабра 73-це регионсо эрзянь ды мокшонь этнокультурань важодемань топавтомантень. Покш промксонь инжетне – Мелексской буень Прявтонь администрациянь полавтыцясь, Димитровград ошонь, Новомалыклинской ды Мелекесской буетнестэ Тонавтомань управлениянь прявттнэ, эйкашонь кужонь важодицят, школань прявтт, тонавтыцят. Ванновсть этнокультурань тевтнень ютавтомась ды топавтомась. Теке марто инжетнень туртов гайгсть эрзянь, мокшонь морот ды валморот, невтезельть киштемат. Ютавтозельть мельстуиця мастер-класст. Весень каванизь раськень ярсамопельсэ. Покш вастовомасо важодсть
100-до ламо ломанть. Неень шкасто Ульяновск ёнкссо моли эрзянь ды мокшонь кельсэ диктантонь сёрмадома. Тедеде шабра регионсо диктант сёрмадсть 15 таркатнесэ. Промкстнэнь ютавтыцясь – Ульяновск ёнксонь эрзянь ды мокшонь раськень ды культурань автономиясь.