Чаллы кешесе “Маузер”ын Әлмәттә тапкан
Полиция хезмәткәрләре утлы корал йөрткән Чаллы кешесен тоткарлый.
Егет кеше "Маузер"ны Әлмәттә казу эшләре барышында таптым дип аңлаткан.
Күршесе турында мәгълүмат таләп иткән кораллы егет турында хокук сакчыларына 30 комплекстагы йортларның берсендә яшәүче хәбәр итә. Вакыйга урынына килгән патруль-пост хезмәткәрләре маузерлы егетне тоткарлый һәм коралны экспертизага җибәрә. Белгечләр фикеренчә, корал 1910 елгы. “Сакаллы” булуына карамастан ул атарга яраклы.