Бөгелмәдә 4 кешелек гаилә газга агуланган
Бөгелмәдә дүрт кешелек гаилә күп фатирлы торак йортта көнкүреш газына агуланган. Әлеге хәл бүген иртәнге якта була.
Бөгелмә районы үзәк хастаханәсе Гадәттән тыш хәлләр министрлыгына бу хакта 10:35 сәгатьтә хәбәр итә. Зыян күрүче 4 кеше дә әлеге хастаханәгә китерелгән. Газга агуланучылар арасында 3 яшьлек һәм 11 айлык ике бала да бар. Гаилә әгъзаларының барысы да җиңелчә дәрәҗәдә агуланган, дип әйтелә.
Гадәттән тыш хәлнең сәбәпләрен ачыклау эшләре бара.
http://intertat.ru