Контейнерга ташланган яңа туган баланың анасы табылды
Кайнар эзләр буенча Чаллы полиция хезмәткәрләре ташланган үле малайның анасын ачыклады.
Алдан хәбәр иткәнебезчә, чүп савытында полиэтилен пакет эченә салынган, кендеге өзелгән нарасый табылды. Мәетне очраклы рәвештә чүп-чар түгәргә чыккач күрделәр. Судмедэкспертиза аның үле килеш тууын күрсәткән. Хәзер ананың ни өчен ашыгыч ярдәм чакыртмавын, баланы вәхшиләрчә ташлавын ачыклыйлар.