Тыл ветераны яшьләргә озак яшәү серен чиште

Зәй районы яшьләр эшләре идарәсе активистлары Бөек Ватан сугышы чоры ветераннарын туган көннәре белән тәбрикләү традициясен дәвам итә. Бу көннәрдә тыл ветераны Иван Александрович Лукин 83 яшьлек юбилеен билгеләп үтте. Аны истәлекле көне белән “Кайгырту” ирекле волонтерлар хәрәкәте әгъзалары, үзенчәлекле программа әзерләп өенә барып котлады. Яшьләр белән аралашудан үзе дә яшәреп киткән Иван Александрович озак яшәүнең сере белән уртаклашып, күбрәк елмаерга, кешеләргә һәрвакыт яхшылык теләргә, еш хәрәкәтләнергә киңәш итте.