Максатчан субсидия өчен кабат теркәлү якынлаша
Агымдагы елның 16 февраленнән фатирларны җылытуга киткән чыгымнарга субсидия алу өчен теркәлүнең яңа этабы башлана. Инде гыйнварь аена фатир өчен түләүләргә җибәреләчәк квитанция артында бу уңайдан булган мәгълүматны зәйлеләр күрә алачак, дип ассызыклый социаль яклау идарәсе башлыгы Эльмира Хуҗина. Биредә кемгә кайчан яңадан теркәлүгә социаль яклау идарәсенә килергә кирәклеге күрсәтелә, ә беренче кабат теркәлүчеләр идарәгә 16 февральдән 15 майга кадәр үзләренә уңайлы вакытта килә ала.