Бәхет кояшы

03.02.2015 11:53

Нинди булыр икән минем картлык?

Бәхет кояшларым көлер микән?
Өч баламның кайсы картлык көндә
Мине хөрмәт итеп карар икән?

Ышанычым минем - балаларым...
Өметемне өзмим әле бер дә...
Ап-ак яулык бәйләп,түрләрендә,
Тыйнак кына яшәрмен дим мин дә.

Бик тәүфикълы әлегә балаларым,
Һәр көн саен торам хәбәрләшеп,
Гомерләрен бирсен, Аллаһ берүк!
Балаларым тора хәл белешеп ...

Миңлегөл Миңҗанова.