Зәйдә тагын бер бакча төзелә

Узган ел Зәйнең  халык телендә “зәңгәрсу” район дип аталучы бистәсендә 140 урынлы балалар бакчасы төзелгән иде. Агымдагы елда да район бакча төзү буенча республика программасына керде. Һәм бу көннәрдә Яңа шәһәрдә “Яшлек” боз сарае янында бакча төзү эшенә керештеләр. 140 урынга исәпләнгән бакчаны Казаннан «ТеплоЭнергоМонтажН» җаваплылыгы чикләнгән ширкәте төзи. Төзелеш эшләре агымдагы елның 1 августына тәмамланыр дип көтелә.