Москвада “Қуръон ҳақида ҳазил” қилган видеоблогерга ҳукм ўқилди
Хабарда айтилишича, мазкур суд 29 майда бўлиб ўтган, июнь ойи охирида эса ҳукм кучга кирган. Бироқ бу ҳақида 16 июлда маълум қилинди.
Блогер ўз айбини тўлиқ тан олгани муносабати билан унинг иши гувоҳларсиз ва далил –исботлар ўрганилмаган ҳолатда кўриб чиқилди. Адвокатлар суд ҳукмидан норозилик билдириб юқори инстанцияларга шикоят киритмасликларини билдирганлар.
Илья Давидовга нисбатан жиноят иши 2017 йилнинг февралида очилган эди. У 2015 йилда “Қуръон ҳақида ҳазил” деб номланган видеони Youtube порталига жойлаштириш орқали нафрат ва низо қўзғашга уринганликда айбланган.
Бу видеода Давидов Қуръонни кўтариб ҳожатхонага киргани, кейин эса ҳожатхона қоғози тугаб қолганини пайқагани тўғрисида гапирган. Шундан сўнг у хожатхонага олиб кирилган Қуръонга ҳеч нарса бўлмаганини кўрсатиб, унинг саҳифалари орасига кир пайпоғини жойлаган. Видео охирида эса у ҳазиллашганини, аслида унинг қўлида Қуръон эмас, Инжил бўлганини билдирган.
2017 йилнинг апрелида Россия Адлия вазирлиги бу видеони экстремистик материаллар реестрига киритган.
Давидов мазку видеодан сўнг ўзига нисбатан таҳдид қилинган билдирувларни ола бошлаган, шундан сўнг у ижтимоий тармоқлардаги барча аккаунтларини ўчириб ташлаган. Таҳдидлар ортидан Давидов Россияни вақтинча тарк этишга мажбур бўлган эди.