Ўзбек боксчилари АҚШ профессионал рингида янги ғалабаларни қўлга киритди
“Газета уз” нашрининг ёзишича, Фазлиддин Ғойибназаров Янги Орлеандаги бокс кечасида америкалик Кевин Жонсонга қарши рингга кўтарилди. Ғойибназаров ҳакамларнинг қарорига асосан ғолиб деб топилди.
Шахрам Ғиёсов Лос-Анжелесдаги бокс шоусида мексикалик Дэниел Эчеверриа билан куч синашди. У биринчи раунднинг ўзидаёқ рақибининг гавда қисмига кучли зарба бериб, нокаутга учратди.
Муроджон Аҳмадалиев ҳам худди шу рингда аргентиналик Луис Молина билан жанг қилди. Олти раундлик баҳсда ўзбекистонлик боксчи очколар бўйича ғалаба қозонди.