ԱՄՆ-ը պատրաստ է Իրանից նավթի ձեռքբերման համար պատժամիջոցների հարցում «քննարկել բացառությունները»
«Մենք ցանկանում ենք, որ նավթի գնումները հասցվեն զրոյի, բայց որոշ դեպքերում, երբ մարդիկ չեն կարողանա դա անել, մենք կքննարկենք բացառությունները», - ասել է ԱՄՆ ֆինանսների նախարար Սթիվեն Մնուչին։
Իրանական նավթի մի շարք խոշորագույն գնորդներ, մասնավորապես՝ Ճապոնիան և Հնդկաստանը, հայտարարել են, որ մինչև նոյեմբեր չեն կարող կրճատել Իրանից նավթի ներմուծումները առանց իրենց տնտեսությունները վնասելու:
Սպասվում է, որ Իրանի նկատմամբ ԱՄՆ պատժամիջոցների վերականգնումը տեղի կունենա երկու փուլով` օգոստոսին և նոյեմբերին:
Մայիսի 8-ին Միացյալ Նահանգները խզեց Իրանի և գերտերությունների միջև 2015 թվականին կնքված միջուկային համաձայնագիրը և տեղեկացրեց, որ առևտրային պատժամիջոցներ է կիրառելու Իրանի և այն երկրների նկատմամբ, որոնք բիզնես գործունեություն կծավալեն Իրանի հետ: