Քեթի Փերին խոստովանել է, որ Հռոմի պապին հանդիպելուց հետո վերադարձել է քրիստոնեական հավատքին
Ամերիկյան հայտնի փոփ երգչուհի Քեթի Փերին Vogue Australia ամսագրին տված հարցազրույցում խոստովանել է, որ Հռոմի պապ Ֆրանցիսկոսին հանդիպելուց հետո վերադարձել է քրիստոնեական հավատքին:
Հայտնի է, որ 33-ամյա Փերին Պապին հանդիպել էր ապրիլին՝ Վատիկանում առողջապահության թեմայով կայացած համաժողովից հետո: Նշվում է, որ երգչուհուն ուղեկցել են ընկերը՝ դերասան Օռլանդո Բլումը, ու մայրը:
«Մայրս ամբողջ կյանքում աղոթել է ինձ համար՝ հուսալով, որ ես կրկին դեմքով կշրջվեմ դեպի Աստված: Այժմ ես Ֆրանցիսկոս պապի մեծ երկրպագուն եմ: Նրա մեջ կա կարեկցության, խոնարհության, խստապահանջության ու զսպվածության համադրություն: Նա պայքարող է, նա պայքարում է հանուն Հիսուսի»,-ասել է երգչուհին:
Նա մանրամասնել է, որ մեծացել է խստապահանջ հավատացյալ ծնողների ընտանիքում: