Итни измени на изборниот законик, избор на ДИК со просто мнозинство

Владата во собраниска процедура ги пушти измените на Изборниот законик, со кои предлага Државната изборна комисија да се бира со 61 пратеник, наместо со двотретинско мнозинство. Претседателот на Собранието Талат Џафери, предлог-законот по скратена постапка со европско знаменце го стави на дневен ред на денешната 53. пленарна седница.


„Во очи на формирање на ДИК, разгледување на Изборниот законик и на вака закажана седница на Собранието, која беше закажана за денеска во 12 часот, во 12:38 доаѓа допис во кој се предлага промена или дополнување на дневниот ред и тоа ниту повеќе ниту помалку со измени на Изборниот законик. Никогаш во РМ не се менувал и не се носел Изборен зкаоник без консултации и поддршка од опозицијата“, реагираше Драган Данев од ВМРО-ДПМНЕ, по што беше дадена едночасовна пауза.