Нема да има втора шанса, порача известувачот Вајгл

Известувачот за Македонија во Европскиот парламент, Иво Вајгел, денеска порача дека сега е клучен историски момент за Македонија и треба да се процени како прв конкретен чекор кон членството во ЕУ.


„Ова не е формалност, ова е содржинска шанса за напредок. Членството во ЕУ и НАТО се историска шанса за Македонија. Нема да има втора шанса. Сакам да ја пренесам пораката до вас дека нема да има втора шанса за да се решат отворените прашања што го оптоваруваа процесот на пристапување на Македонија кон ЕУ многу години откако станавте кандидат за членство. Никој не може да замисли подобри услови за да се започнат преговори и да се завршат преговорите успешно меѓу Македонија и Грција“, рече Вајгл на седницата на Националниот совет за евроинтеграции во македонското Собрание.