Иран ги тужи САД пред Меѓународниот суд на правдата

Меѓународниот суд на правдата потврди дека Иран поднел тужба против Соединетите Американски Држави поради повторното воведување санкции против Техеран од администрацијата на претседателот Доналд Трамп.


Техеран тужбата ја поднел со тврдење дека со потегот се прекршува нуклеарниот договор кој Иран го потпиша со САД и другите пет светски сили. Денешната потврда од судот доаѓа ден откако министерот за надворешни работи на Иран Мохамад Џавад Зариф на социјалната мрежа Твитер напиша дека предметот во судот е за да се бара одговорност од САД за едностраните санкции.


Според договорот потпишан во 2015 година САД, Британија, Франција, Германија, Русија, Кина и Европската унија се согласуваат да ги тргнат санкциите кон Иран, а за возврат тие ќе престанат со програмата за збогатување ураниум и нема да работат на развивање на нуклеарно вооружување. Но, во мај годинава, администрацијата на Трамп, еднострано ги извади САД од нуклеарниот договор.