Район язгы чәчүгә әзерләнә
Зәй районы авыл хуҗалыгы идарәсеннән алынган мәгълүматлар буенча, быел районда 26300 гектар мәйданда бөртеклеләр чәчеләчәк, шуның 12748енә – язгы бодай, 12053енә - арпа, 863енә - солы, 603 гектарга борчак, 8433 гектарда шикәр чөгендере игеләчәк. Минераль ашламалар кайтарту дәвам итә. Бүгенге көнгә барлыгы 3,8 мең тонна аммиак селитрасы кайтартылды. Тукай орлыкчылык заводыннан язгы бодай һәм арпа кайтартыла башлаган.