Зәйдә янә “Оберегай” акциясе башланды

Зәй яшьләр эшләре идарәсе язгы-җәйге чорда янә “Оберегай” экологик акциясен башлап җибәрделәр. Район территориясендәге сулык, чишмә яннарын чистартуны күз уңында тотып оештырылучы акция Ринат Фәрдиев исемендәге ял паркында Карамалы елгасы буен чүп-чардан арындырудан башланды. Анда “Яшь гвардия” һәм студентлар хезмәт отрядлары активистлары катнашты.