Արարատ Միրզոյանը Գերմանիայում քննարկել է ՀՀ-ԵՄ Համապարփակ և ընդլայնված համաձայնագրի կյանքի կոչման հարցեր
Ըստ Ազգային ժողովի լրատվության և հանրության հետ կապերի վարչության, հանդիպման ընթացքում քննարկվել են մարդու իրավունքների պաշտպանությանը, ՀՀ-ԵՄ Համապարփակ և ընդլայնված համաձայնագրի կյանքի կոչմանը, ինչպես նաև տարածաշրջանային անվտանգությանը վերաբերող հարցեր: Կողմերն ընդգծել են Արևելյան գործընկերության դերը Եվրոպական միության համար և քննարկել վիզաների ազատականացման բանակցություններ սկսելու կարևորությունը:
Հայկական պատվիրակության անդամները մասնակցել են Բունդեսթագի լիագումար նիստին:
Այսօր սպասվում է Արարատ Միրզոյանի գլխավորած պատվիրակության այցը Զաարլանդի համալսարան, որտեղ խորհրդարանի ղեկավարը կհանդիպի ուսանողների հետ: Աշխատանքային օրը կշարունակվի Զաարլանդ երկրամասի խորհրդարանում, որտեղ կքննարկվեն երկուստեք հետաքրքրություն ներկայացնող հարցեր: