Лениногорск сусыз калды
Кичәдән бирле бөтен шәһәр диярлек сусыз утыра.
Сәбәбе: Чайковский урамында барган төзелеш эшләре барганда зур су торбасын өзү. Төш вакытында Техснаб тирәсе, аның кырыендагы йорт ишегаллары су белән тулды. Садриев урамы буйлап аскы якка елга акты. Авария бригадасы төне буе эшләсә дә, өске районнарда су иртән дә юк иде әле. Кешеләр чиләкләр, зур шешәләр күтәреп чишмәгә йөгерде. Шәһәрдә сусыз калуы бигрәк читен шул. Ярый әле чишмәләр бар, дип шатланасың.