Әлмәттә чәчү тәмам
Әлмәт районы авыл хуҗалыгы һәм азык-төлек идарәсе хәбәр иткәнчә, Әлмәт районы хуҗалыкларында язгы кыр эшләренә нокта куелды. Хәзерге вакытта хезмәтчәннәр химик утау белән мәшгуль.
Әлмәт районында 124 мең гектар авыл хуҗалыгы җирләренең 90 меңгә якынын чәчүлек мәйданнары били. Шуның 46,2 мең гектарына бөртекле һәм кузаклы культуралар (64%), 21,4 мең мәйданда азык культуралары (30% чамасы) чәчелгән.