Ուսանողների առջև դռներ փակելու գործընթացն ուղղակի հարված է հեղափոխության արժեքներին. Ռուբեն Հայրապետյան
ՀՊՏՀ ռեկտորի նախկին պաշտոնակատար Ռուբեն Հայրապետյանը գրառում է կատարել ֆեյսբուքյան էջում՝ անդրադառնալով սեպտեմբերի 2-ին մի խումբ ուսանողների կողմից իրականացված դասադուլին: Նա, մասնավորապես, գրել է.
«Ուսանողների առջև դռներ փակելու և նրանց ազատ կամարտահայտությունն սպառնալիքով ճնշելու այսօրվա գործընթացներն ուղղակի հարված են հեղափոխության արժեքներին: Գործընկերներիս հորդորում եմ վերանայել իրենց մոտեցումները, քանի դեռ շատ ուշ չէ»:
Հիշեցնենք, որ սեպտեմբերի 2-ին ՀՊՏՀ մի խումբ ուսանողներ դասադուլ են արել՝ պահանջելով Ռուբեն Հայրապետյանին վերանշանակել ռեկտորի պաշտոնում: