„გლოვოს" კურიერი მატარებლის დაჯახების შემდეგ დაიღუპა

თბილისი-ბათუმის მატარებელი დაეჯახა „გლოვოს" კურიერს რკინიგზის სადგურში. ახალგაზრდა კაცი სასწრაფო-სამედიცინო დახმარების ბრიგადამ კლინიკა „ჰელსიკორში" გადაიყვანა.


კლინიკის საზოგადოებასთან ურთიერთობის სამსახურში რადიო თავისუფლებას უთხრეს, რომ „შემოყვანისას პაციენტს ჰქონდა სიცოცხლისთვის შეუთავსებელი ნიშნები" და ის მალე დაიღუპა.


შინაგან საქმეთა სამინისტრომ ფაქტზე გამოძიება დაიწყო სსკ-ის 275-ე მუხლის მე-2 ნაწილით, რაც გულისხმობს სარკინიგზო ტრანსპორტის მოძრაობის უსაფრთხოების ან ექსპლუატაციის წესის დარღვევას.