Ukrayınalı programma azırlayıcısı cep cihazları içün qırımtatar tilinde oyun yaptı. Oleksandr Kozlovnıñ yañı Lağoda QT oyunı – ukrayın «Lağoda» oyunından soñ nevbetteki leyha. Oyuncınıñ vazifesi – metinde hata tapıp, onı tüzetmek. Qırımtatar oyunı içün tek interfeys tili degil, kütüphaneni de deñiştirgenler. O, qırımtatar yazıcı ve şairleriniñ metinlerine esaslana.
