Финанс министрлыгы махсус операциядә катнашучылар өчен ташламалы ипотека шартларын өйрәнә
Россия Финанс министрлыгы махсус хәрби операциядә катнашучылар өчен ташламалы ипотека параметрларын өйрәнү юнәлешендә эш алып бара, әмма конкрет механизмнарны эшләтеп җибәрү турында сөйләргә иртәрәк әле. Финанс министры урынбасары Иван Чебесков Петербург халыкара икътисади форумы кулуарларында шулай дип белдерде. Бу хакта ТАСС агентлыгы хәбәр итә.
Чебесков бу йөкләмәнең ташламалы шартлар тәкъдим итүнең төрле вариантларын эшләүгә кагылуын искәртте, һәм хәзерге вакытта министрлык башлангыч анализ ясау стадиясендә.
Шул ук вакытта, финанс министры урынбасары билгеләп үткәнчә, гамәлдәге ипотека программалары анда хәрбиләрнең, шул исәптән махсус операциядә хезмәт итүчеләрнең дә катнашуын күздә тота һәм бу җәһәттән чикләүләр юк.