Казанда түләүле автомобиль юллары төзү өлкәсендә җир салымын киметтеләр
Татарстан башкаласында түләүле автомобиль юллары төзү өлкәсендә концессион килешүләрдә катнашучылар өчен җир салымын участокның кадастр бәясенең 0,05 процентына кадәр киметтеләр. Мондый карар Казан шәһәр Думасының XXXIX сессиясендә кабул ителде.
«Шәһәр ТР Транспорт һәм юл хуҗалыгы министрлыгыннан концессион килешүләр кысаларында төзелә торган автомобиль юлларын төзү һәм эксплуатацияләү өчен бирелә торган участокларга җир салымына ташламалар бирү турында мөрәҗәгать кабул итте», – дип сөйләде Казан Башкарма комитетының Финанс идарәсе башлыгы Ирек Мөхәммәтшин.
Түрә ачыклык керткәнчә, карар юл инфраструктурасы өлкәсендә инвестицион потенциалны арттыруга юнәлтелгән.
Киметелгән җир салымы концессион килешүләр гамәлдә булган чорга кертелә.