Мбаппе карантинда: “Реал”нинг юлдузи касал бўлиб қолди

Килиан Мбаппе касаллик туфайли “Ал-Ҳилол”га қарши Клублар ўртасидаги Жаҳон чемпионатининг биринчи тур ўйинида иштирок этмади, деб euro-football.ru хабар берди. “Реал”нинг юлдуз ҳужумчиси ҳозирда изоляцияда бўлиб, меҳмонхонадаги хонасидан чиқмаяпти — у бошқа жамоадошларига юқтирмаслик учун эҳтиёт чорасини кўрмоқда.

Таъкидланишича, Мбаппега касаллик ва иштаҳа йўқотиши сабабли парҳезни ўзгартиришга тўғри келган. Унга алоҳида рацион тайинланган.

Эслатиб ўтамиз, “Реал” биринчи турда “Ал-Ҳилол”га қарши 1:1 ҳисобида дуранг ўйнаган. 22 июнь, якшанба куни “Пачука”га қарши ўйин бўлиб ўтади. Мбаппенинг ушбу ўйингача тўлиқ тикланиши ҳали номаълум.