Тошкентда 41 та iPhone ўғирланди

Тошкент шаҳрида бир ўсмир ва унинг судланган дўсти томонидан жиноят содир этилди, деб nova24.uz хабар берди. Улар Чилонзор туманидаги смартфон дўконини ўғирлаб, 41 та iPhone ва бошқа аксессуарларни олиб кетишган. Келтирилган зарар 330 миллион сўмдан ошган.

Дўкон эгаси эрталаб дераза синдирилганини ва маҳсулотлар йўқлигини кўриб, ҳуқуқни муҳофаза қилувчи органларга мурожаат қилган. Тезкор ҳаракатлар натижасида гумонланувчилар қўлга олинган. Улардан бири вояга етмаган бўлса, иккинчиси илгари уч марта судланган.

Гумонланувчилар жиноятни олдиндан режалаштириб, дўкон эшигини синдиришгани, сейфни ўғирлаб олиб кетишгани ва болгарка билан очишгани, ичидан 41 телефон чиққанини тан олишди. Телефонлар сотилиб, пуллар бўлиб олинган.