Рөстәм Миңнеханов Бәхрәйн короленең улы белән очрашты

ТР Рәисе Рөстәм Миңнеханов Бәхрәйн короленең улы - шәех Нассер Ибн Хамад Әл Хәлифә белән очрашты.

Республика Рәисенең матбугат хезмәте җитәкчесе Лилия Галимова хәбәр иткәнчә, Бәхрәйн короленең улы Миңнехановка әтисе исеменнән җылы сәламләү сүзләре тапшырган. Яклар шулай ук товар әйләнешен арттыру юнәлешендә эшне көчәйтергә ниятләүләрен тагын бер кат раслады.

2024 ел нәтиҗәләре буенча Татарстан белән Бәһрәйн арасында товар әйләнеше 7 процентка арткан һәм 483 мең доллар тәшкил иткән.