Әлмәттә махсус операциядә катнашучылар арасында ТР Рәисе Кубогының беренче этабы узды
Әлмәттә Татарстан Республикасы Рәисе Кубогының беренче этабы – махсус хәрби операциядә катнашучылар һәм ветераннар арасында йөзү буенча ярышлар узды.
Ярышларны ТР Спорт министрлыгы һәм «Ватанны саклаучылар» фондының филиалы оештырды. Беренче этапка 40ка якын кеше җыелды.
Ярышта катнашучылар биш номинация буенча көч сынашты. Әйтик, терәк-хәрәкәт аппаратында проблемалар, ишетү, күрү сәләте начар булган катнашучылар өчен аерым номинацияләр каралган иде.
Республикада Кубокның сайлап алу этаплары июльдән августка кадәр уза, ә финалы Казанда август ахыры – сентябрь башында үтәргә тиеш.