Аксубайда яшь спортчылар «Ишегалды футболы» уйнады

Аксубайның ачык футбол мәйданчыгында «Юность» спорт залында Марат Сафиуллин җитәкчелегендәге «Рубин» футбол клубы ярдәмендә оештырылган ишегалды футбол лигасы чемпионаты узды. Бу хакта «Аксубай» газетасы яза.

Спорт бәйрәменә 70тән артык футбол сөюче җыелды, алар сигез команда формалаштырды. Мәйданчыкта дәрт һәм дусларча көндәшлек мохите хөкем сөрде. Матчлар башланганчы ук катнашучылар республиканың атаклы футболчылары белән аралашырга һәм формаль булмаган шартларда үткәрелгән гол кертү буенча мастер-класста катнашырга мөмкинлек алдылар.

«Ишегалды футболы турнирында барысын да сәламләвемә бик шатмын. Бирегә футбол ярышына иң актив һәм тугрылыклы егетләр җыелды. Аксубайда бу спорт төре үсеш ала, һәм мин сигез команданың үз көчен һәм осталыгын күрсәтүенә шатмын. Спорт бәйрәмен оештырган өчен «Рубин» футбол клубына аерым рәхмәт сүзләре әйтәсе килә», – диде район Башкарма комитеты җитәкчесе Алмаз Мингулов.