რუსეთის ჯარებმა ოდესას და სუმის დაარტყეს
რუსეთის ჯარებმა უპილოტო საფრენი აპარატებით მორიგი შეტევა მიიტანეს უკრაინის ქალაქ ოდესაზე. შეტევა 22 ივლისს, შუაღამის შემდეგ დაიწყო.
ადგილობრივი ხელისუფლების ცნობით, დაზიანებულია სახლები, დამწვარია ავტომობილები. ხანძარი გაჩნდა ერთ-ერთ ადმინისტრაციულ შენობაში. დილის ექვსი საათის მდგომარეობით ინფორმაცია მსხვერპლის შესახებ არ გავრცელებულა.
გასულ ღამით რუსეთის ჯარებმა დაარტყეს ქალაქ სუმისაც. ადგილობრივი ხელისუფლების ცნობით, ერთ-ერთ საცხოვრებელ რაიონში დაზიანებულია ხუთი მრავალბინიანი სახლი და სავაჭრო ცენტრი. ორი დაჭრილი საავადმყოფოში გადაიყვანეს. შოკური მდგომარეობის გამო სამედიცინო დახმარება დასჭირდა კიდევ 12 ადამიანს.