امریکایي قاضي هغه حکم لغوه کړ چې د زرګونه افغانانو د لنډمهاله خوندیتوب غوښتنه په کې وه
د امریکا یوه فدرال قاضي هغه حکم لغوه کړی چې له مخې یې هلته د زرګونه افغانانو او کامرونیانو د لنډمهاله خوندیتوب یا ( ټي.پي.ایس) حالت د پای ته رسیدو مخنیوی کېده.
د رویټرز خبري اژانس د راپور له مخې اوس په متحده ایالتونو کې د ۱۴۶۰۰ افغانانو او۷۹۰۰ کامرونیانو د لنډمهاله خوندیتوب موده پای ته رسیږي او د اخراج له خطر سره مخامخیږي.
د لنډمهاله خوندیتوب دغه حالت د جولای په ۱۴مه پای ته ورسید، خو یوې استنیاف محکمې د کډوالو د یوه ملاتړي سازمان له شکایت وروسته د یوې اونۍ په مخه، د جولای تر ۲۱مې وغځوه.
امریکايي چارواکو ویلي، افغانستان او کامرون کې اوس شرایط داسې دي چې وګړي یې د لنډمهاله خوندیتوب مستحق نه دي.
په دې اړه مخکیني معلومات په دغه راپور کې لوستلی شی: