Казанда өлкән яшьтәге хатын-кыз сеңлесен коткарырга теләп, мошенникларга 1,7 млн биргән
Казанда яшәүче хатын-кыз телефон мошенниклары корбаны булган. Аңа ир-ат шалтырата һәм сеңлесенең адвокаты дип таныштыра. Ул кызның авариягә эләгүен һәм ярдәм итү өчен тиз арада акча кирәк булуын әйтә.
Паникага бирелгән пенсионер хатын-кыз җыелган бөтен акчасын – 1,7 млн сумын өенә килгән курьерга тапшыра. Шуннан соң мошенниклар аның шалтыратуларына җавап бирми башлый.
«Татар-информ»га Казан шәһәре буенча Россия Эчке эшләр министрлыгы идарәсендә сөйләүләренчә, сеңлесе белән элемтәгә кергәч кенә, хатын-кыз мошенниклар корбаны булганын аңлаган.