Зәйдә Сөббух Рәфыйков исемендәге премия тапшырылды
Зәйдә Сөббух Рәфыйков исемендәге премия тапшырылды. Ул язучының тууына 112 ел уңаеннан Зәй шәһәренең Сөббух Рәфыйков исемендәге Үзәк китапханәсендә узды.
Премия тапшыру тантанасында Татарстан Язучылар берлеге рәисе урынбасары – Чаллы Язучылар бүлеге җитәкчесе, язучы Факил Сафин һәм язучы Әлфия Ситдыйкова катнашты, дип хәбәр итә ТР Язучылар берлеге матбугат хезмәте.
Премиягә лаек булган музыка мәктәбе коллективының музыкаль чыгышлары белән үрелеп барган бәйрәм чарасында «Сөббух Рәфыйков әсәрләре геройлары» дип исемләнгән әдәби бәйгегә дә йомгак ясалды. Эссе авторларына дипломнар һәм сертификатлар тапшырылды.