Ульяновскиның Иделаръягы районы Ислам мәдәни-агарту үзәгендә Балалар Сабан туе узачак
9 августта Ульяновскиның Иделаръягы районы Ислам мәдәни- агарту үзәгендә Балалар Сабан туе узачак. Бу хакта «Өмет» газетасының телеграм-каналында хәбәр ителә.
Милли бәйрәмдә балалар өчен төрле уеннар, конкурслар, җыр-бию, көрәш оештырылачак. Бәйрәм милли ризыклы чәй табыны артында дәвам итәчәк. Бәйрәмдә өлкәннәр өчен концерт программасы тәкъдим ителә. Семберлеләр алдында татар эстрадасының танылган җырчылары ИлСаф, Рөстәм Егоров, Базарбай Бикчәнтәй чыгыш ясаячак.
Адресы: Ленин Комсомолы проспекты, 39 нчы йорт. Башлана - 10 сәгатьтә.