“Чўқинтирган ота” муаллифи Френцис Форд Коппола касалхонага ётқизилди

“Чўқинтирган ота” фильми режиссёри Фрэнсис Форд Коппола Римда шифохонага ётқизилди, деб Ansa агентлиги хабар берди. Режиссёрининг соғлиғи ҳақида ҳозирча расмий маълумот берилмаган.

Маълумотларга кўра, у Римнинг “Tor Vergata” касалхонасида даволанмоқда. Коппола ёз мавсумини Италияда ўтказмоқда ва яқинда Калабрияда бўлиб, у ерда Magna Grecia фестивалида янги “Мегалополис” фильмини тақдим этган.

У фестивалда ёшларга “Дунё қийин аҳволда, аммо инсоният ҳар қандай муаммони енгиши мумкин. Биз фарзандларимиз учун биргаликда буюк келажак қуришимиз керак”, — деган. Шунингдек, режиссёр кузда суратга олишни режалаштирган янги лойиҳа учун жой излаётган эди.