Кайсы очракларда табибны өйгә чакыртырга мөмкин булуы турында сөйләделәр

Татарстанлылар сәламәтлекләре какшаган очракта еш кына табибны өйгә чакырталар. Нинди симптомнар булганда, табибны өйгә чакырырга мөмкин икәне «Татар – информ» материалында тәкъдим ителә.

Нинди симптомнар булганда, табибны өйгә чакырырга кирәк?

- тән температурасы 38 градуска кадәр һәм аннан да югарырак күтәрелсә;

- югары кан басымы аркасында хәл начарайса;

- аркада яки аскы очлыкларда көчле авырту күзәтелсә;

- көчле баш әйләнү, күңел болгану һәм косу, шулай ук кабатлана торган эч китү булганда;

- респиратор инфекция билгеләре булганда.

Коронавируска шик булганда түбәндәге очракларда табиб чакыртырга кирәк:

- пациентка 65 яшь һәм аннан да өлкәнрәк булганда;

- хроник авырулар (шикәр диабеты, йөрәк һәм кан тамырлары авырулары, бөерләрнең, сулыш системасының хроник авырулары яки онкология) булу;

- коронавирус белән авыручылар белән элемтә булганда;

- әгәр күптән түгел генә коронавирус белән авыручылар күп булган төбәктән яки җирлектән кайткан очракта;

Табибны өйгә чакырган вакытта югарыда санап үтелгән фактлар турында Һичшиксез хәбәр итегез.