Корея туманларининг 38 фоизида бир йилда 10 тадан ҳам кам туғилиш қайд этилди
0
Жанубий Кореяда туғилиш кўрсаткичлари сўнгги йилларда кескин пасайгани яна бир бор тасдиқланди. 2024 йилда мамлакатдаги шаҳар ва туманларнинг қарийб 38 фоизида бир йилда 10 нафардан ҳам кам бола дунёга келган.
Бу ҳолат, асосан, аҳолининг камайиши ва умумий туғилиш сонининг пасайиши билан боғлиқ. Айниқса, қишлоқ ҳудудларда туғруқхоналарнинг йўқлиги вазиятни оғирлаштирмоқда.
Соғлиқни суғурталаш бўйича таҳлил хизмати маълумотларига кўра, ўтган йили мамлакат бўйлаб шифохона ва акушерлик марказларида 237 484 та туғилиш қайд этилган.