Мавсум олдидан “Манчестер Сити”да Абдуқодир Ҳусанов муҳокамаси авжида
Англия Премьер-лигасининг энг нуфузли ва қудратли клубларидан бири саналган “Манчестер Сити” янги мавсумда катта синовлар ва жиддий имтиҳонлар олдида турибди.
Ўтган мавсумдаги кескин инқироз ва натижаларнинг пасайиши сабабли, Хосеп Гвардиола бошқарувидаги жамоа кетма-кет тўрт йил давомида сақлаб келган чемпионлик унвонини “Ливерпуль”га топширишга мажбур бўлди. Шу билан бирга, ички мусобақаларда ҳам, халқаро турнирларда ҳам жамоа бирорта соврин қўлга кирита олмади.
Бу вазиятдан сўнг Хосеп Гвардиола таркибни қайта қуриш, жамоани ёшартириш ва янги қон олиб кириш ҳақида қарор қабул қилди. 2025 йилнинг қишки трансфер ойнасида ўзбекистонлик ёш ҳимоячи Абдуқодир Ҳусановнинг келиши билан бошланган янгиланиш сиёсати ҳанузгача давом этмоқда.
Гарчи жамоада авлодлар алмашинуви кечаётган бўлса-да, “шаҳарлик”ларнинг қатъий ва талабчан мухлислари футболчилардан ҳар доимгидек юқори савиядаги натижаларни талаб қилмоқда. Айниқса, клубнинг бутун дунё бўйлаб тарқалган фанатлари ижтимоий тармоқларда ҳар бир қарор, ҳар бир ҳаракат ва ҳар бир ўйин ҳақида ўз муносабатини билдирмоқда.
Sports.uz портали “Манчестер Сити”нинг расмий ижтимоий тармоқ саҳифаларида Абдуқодир Ҳусанов ҳақида ёзилган энг қизиқарли фикр ва изоҳларни тўплаб, ўзбекистонлик футбол ишқибозларига тақдим этди:
Samuel Aikhomu:
— Ҳусанов ўтган мавсум Пеп Гвардиола қарорлари туфайли кўпинча захирада қолиб кетди. Энди унга ҳақиқий имконият бериш вақти келди!
Mojuta King Knox:
— Бу йигитни олдинда улкан ишлар ва катта ютуқлар кутяпти.
James Ryan:
— Янги мавсумда Абдуқодир кўпроқ ўйин амалиёти олади, деган умиддаман. Дебютдаги кичик хатодан кейин у қолган барча учрашувларда мустаҳкам ва ишончли ўйнади.
Nicklas Andreasen:
— Биз мухлислар Ҳусановни чин дилдан яхши кўрамиз.
Leader Falcons:
— Ҳусанов – энг зўр ҳимоячилардан бири.
Devotion Baloyi:
— Бу йигит ҳали Родри даражасига етади.
Raymond Kamau:
— Абдуқодир бу мавсумда янада кўпроқ майдонга тушиши лозим.
Jason Rusholme:
— Унга дарров асосий таркибдан жой бериш керак.
Tinotenda Kaifa:
— Ўзбек футболчиси ўнг қанот ҳимоясида ҳам ўзини кўрсата олади.
Busi Dlahmini:
— Ҳусанов – жамоамизнинг ҳақиқий девори.
Rubayet Adnan Partho:
— Илтимос, унга етарли ўйин вақти беринг.
Thant Zin Aung:
— Бу йигит – келажакда жамоанинг асосий устуни.
Arafat Rahaman Akash Jr:
— Менинг орзум – унинг “Сити”даги ўйинларини стадиондан кўриш.
Ernst Jamal KE:
— Пеп, Абдуқодирсиз бўлмайди!
Zama S Shabalala:
— Илтимос, уни майдонга туширинг.
Sfundo Mkhwanazi:
— Дунёнинг энг зўр марказий ҳимоячиси ривожланиш жараёнида.
Bella Romans:
— Нуньес ўрнига Ҳусановни ўйнатинг.
Kipkorir Xandros:
— Абдуқодир – ҳақиқий жангчи.
Kumbirai Kelvin Tsapo:
— У – Ўзбекистон футболи афсонаси.
Эслатиб ўтамиз, “Манчестер Сити” янги Премьер-лига мавсумини 16 август куни сафарда “Вулверхэмптон”га қарши учрашув билан бошлайди.