Путин: Үзәк банк икътисадның артык суыну куркынычы фонында вазгыятьне контрольдә тота

Россия Банкы ил икътисадының артык суыну һәм хәтта рецессия куркынычлары турындагы сөйләшүләр фонында икътисадтагы вазгыятьне контрольдә тота. Бу хакта РФ Президенты Владимир Путин икътисади мәсьәләләр буенча киңәшмәдә белдерде.

«<...> күп кенә экспертлар икътисадның артык суынуы һәм хәтта рецессия куркынычлары формалашу турында сөйли. Шулай ук без сезнең белән алдагы эш киңәшмәләрендә сөйләштек. Россия Банкы рәисе (Эльвира Нәбиуллина) белән без бу хакта даими сөйләшәбез», - дип билгеләп үтте дәүләт башлыгы.

«Банк вазгыятьне контрольдә тота, шул исәптән предприятиеләр белән турыдан-туры эшли, вазгыятьне бәяли. Минем аңлавымча, бүген банк зур куркынычлар күрми», - дип ассызыклады Путин.

«Федераль бюджетка килгәндә, монда вазгыять тотрыклы. Федераль бюджетның нефть-газ булмаган керемнәре гыйнвар-июль өчен елына 14 процентка артты, 14,8 трлн сум тәшкил итте», - дип ышандырды ул.