Татарстан белән Кытай товар әйләнеше 2025 елның ярты елында 700 млн долларга җиткән
2025 елның беренче ярты елында Татарстан белән Кытай арасында товар әйләнеше 700 млн долларга җиткән. Бу хакта «Татар-информ»га республиканың Сәнәгать һәм сәүдә министрлыгы хәбәр итте.
«Узган ел нәтиҗәләре буенча тышкы сәүдә әйләнеше 3 миллиард доллардан артты. 2025 елның беренче яртыеллыгында Бөтендөнья сәүдә оешмасы күрсәткече 678 млн долларга җитте», – диелә министрлык хәбәрендә.
Татарстан Министрлар Кабинетында брифингта сәнәгать һәм сәүдә министры урынбасары Герман Лернер хәбәр иткәнчә, быел импортның төп товары – җиһазлар һәм механик җайланмалар, җир өсте транспорты чаралары, электр машиналары һәм җиһазлар. Экспортның төп продукциясе - каучук, резина һәм алардан эшләнгән әйберләр, пластмассалар, майлар.
Казанда өченче мәртәбә «РОСТКИ: Россия һәм Кытай – үзара файдалы хезмәттәшлек» халыкара форумы узачак. Эшлекле программа 18-19 августка билгеләнгән. Анда беренче тапкыр Кытай Халык Республикасының Россиядәге илчесе катнашачак.