Ўзбек туристлари сони бир йилда 28,2% га кўпайди

2025 йил январь–июль ойларида 4,3 миллиондан ортиқ Ўзбекистон фуқароси хорижга саёҳат қилди. Бу ўтган йилга нисбатан 28,2% кўп, деб Kursiv хабар берди.

Энг оммалашган йўналишлар орасида Қирғизистон биринчи ўринни эгаллаб, унга 1,9 миллион ўзбекистонлик сафар қилди. Кейинги ўринларда Қозоғистон (799,4 минг) ва Тожикистон (754,1 минг) турибди.

Шунингдек, россияга 274,3 минг, Саудия Арабистонига 151,7 минг, Туркияга 141,7 минг фуқаро туризм мақсадида чиққан. Вьетнамга 22,7 минг, Хитойга эса 20,4 минг ўзбекистонлик ташриф буюрган.