«Әдәби кафе»да Камил Кәримовның «Исемсез хат» дигән яңа китабын тәкъдим итү кичәсе була

11 сентябрьдә 11.00 сәгатьтә «Әдәби кафе»да әдәбият сөючеләр өчен язучы, прозаик, сатирик Камил Кәримовның Татарстан китап нәшриятында басылып чыккан «Исемсез хат» дип аталган яңа китабын тәкъдим итү чарасы була.

«Биредә сезне автор белән кызыклы очрашу, аның белән шәхсән аралашу, китап белән танышу, иҗади фикер алышу, автографсессия көтә. Кызыксындырган сорауларыгызны бирү мөмкинлеге дә бар. «Әдәби кафе»ның ямьле, илһамландыргыч мохитенә рәхим итегез. Керү ирекле», – дип хәбәр итә Татарстан китап нәшрияты.